11-ئاينىڭ 5-كۈنى، سانجى خۇيزۇ ئاپتونوم ئوبلاستى قۇتۇبى ناھىيەسى ۋۇگۇڭتەي بازىرى ۋۇگۇڭتەي كەنتىدىكى تۆگە باقمىچىلىقى بىلەن شۇغۇللانغۇچى ئۇلاربېك بايمولا تۆگە قوتىنىدا تۆگىلەرنىڭ ئۆسۈش ئەھۋالىنى كۆزەتمەكتە. يېقىنقى يىللاردىن بۇيان، قۇتۇبى ناھىيەسى دېھقان - چارۋىچىلارنى ئىدىيەۋى قارىشىنى ئۆزگەرتىشكە پائال يېتەكلەپ، يېزا ئىگىلىك كەسىپ قۇرۇلمىسىنى كۈچەپ تەڭشەپ، تۆگە كەسپىنى راۋاجلاندۇرۇشنى يەرلىك خاس كەسىپلەرنى يېتىلدۈرۈش ۋە دېھقان - چارۋىچىلارنىڭ كىرىمىنى ئاشۇرۇشنىڭ مۇھىم يولى قىلدى.
ئىختىيارىي مۇخبىرىمىز ۋاڭ جۈنۋېي
سۈرەتتە ئۇلاربېك بايمولا تۆگىلەرگە يەم-خەشەك بەرمەكتە. ئۇ بۇ يىل 25 تۆگە باققان بولۇپ، تۆگە سۈتى سېتىش ئارقىلىق يىلىغا 200 مىڭ يۈەندىن ئارتۇق كىرىم قىلىدۇ. نۆۋەتتە، ۋۇگۇڭتەي بازىرىدا تۆگە باقمىچىلىق ھەمكارلىق كوپىراتىپىدىن ئىككىسى بار بولۇپ، بېقىلىۋاتقان تۆگە 1100 دىن ئاشىدۇ.
ئۇلاربېك بايمولا ساغقان تۆگە سۈتىنى سۈت كوزىسىغا تۆكمەكتە.
