11-ئاينىڭ 28-كۈنى، شىنجاڭ سانجى خۇيزۇ ئاپتونوم ئوبلاستى گۇچۇڭ ناھىيەسىنىڭ جىڭنىڭ باغچىسىدا، سانجاق-سانجاق دەرەخلەر يالتىراپ تۇرغان مۇز كىرىستاللىرى بىلەن چىڭ ئورالغان بولۇپ، خۇددى چىرايلىق كۈمۈش شايى يېپىنچاقلىۋالغاندەك كۆزنى قاماشتۇرۇپ تۇراتتى. ئارىسىغا ھۆسن قوشۇپ تۇرغان قىزىل مېۋىلەر تۇمان سۆڭگىسى ئاستىدا كۆڭۈل قويۇپ ئۆتكۈزۈلگەن تىزىق-تىزىق تاڭخۇلۇغا ئوخشايتتى، ھەم كۆزنى قاماشتۇراتتى، ھەم كىشىنىڭ ئاغزىغا سېرىق سۇ كەلتۈرەتتى.
قىشتىكى ئىللىق قۇياش نۇرىنىڭ چۈشۈشى بىلەن،بۇ تۇمان سۆڭگىسى مەنزىرىسى تېخىمۇ جۇلالىنىپ، ھەربىر پارچە مۇز كىرىستالى خۇددى قۇياش نۇرى ئاستىدا سەكرەۋاتقاندەك كىشىنى مەپتۇن قىلغۇدەك چاقنايتتى. ئورمانلىقتىكى چىغىر يولدا ماڭغاندا، كىشىلەر خۇددى چۆچەكلەردىكى خىيالىي دۇنياغا كىرىپ قالغاندەك، ھەر بىر قەدىمى خۇشاللىق ۋە شېئىرىي تۈسكە تولغانىدى.
