تىيانشان تورى خەۋىرى ھازىر دەل ئەتىيازلىق تېرىلغۇ تەييارلىقىنىڭ ئاچقۇچلۇق مەزگىلى. ئاپتونوم رايونلۇق يېزا ئىگىلىكى، يېزا نازارىتىنىڭ مارالبېشى ناھىيەسى سېرىقبۇيا بازىرى قۇرامتوغراق كەنتىدە تۇرۇشلۇق خىزمەت ئەترىتى تەشەببۇسكارلىق بىلەن نەتىجە يارىتىپ، ئەتىيازلىق تېرىلغۇ ئىشلەپچىقىرىشىنى چىڭ كۆزلەپ، شارائىتقا قاراپ ئىش كۆرۈپ ئەتىيازلىق تېرىلغۇ تەييارلىقى بويىچە ياردەم بېرىش-يۆلەش خىزمىتىنى قانات يايدۇرۇپ، ئەتىيازلىق تېرىلغۇ ئىشلەپچىقىرىشىنى «كاپالەتكە ئىگە قىلدى». 3-ئاينىڭ 29-كۈنى، بۇ كەنتتە تۇرۇشلۇق خىزمەت ئەترىتى ۋە كەنت كادىرلىرى ۋەكەنت ئاھالىلىرى ئەتىيازلىق كېۋەز تېرىلغۇ ئىشلەپچىقىرىشى خىزمىتىنى قانات يايدۇردى، ئېتىز باشلىرىدا ئالدىراش مەنزىرە بارلىققا كەلدى. (ئىختىيارىي مۇخبىربايىنبات دالافوتوسى ۋە خەۋىرى)

پۈتۈن كەنت بويىچە 15 مىڭ 500 مو يەرگە كېۋەز، 1500 مو يەرگە قوغۇن-تاۋۇز تېرىش پىلانلانغان بولۇپ، تېرىش خىزمىتىنىڭ 4-ئاينىڭ 5-كۈنى تاماملىنىشى مۆلچەرلەنمەكتە.

كەنت كادىرى كېۋەز تېرىش ماشىنىسىنىڭ ئوقۇرىغا ئۇرۇق تۆكمەكتە.