ئاپتونوم رايوننىڭ باش شۇجى شى جىنپىڭنىڭ جۇڭگو كوممۇنىستىك ياشلار ئىتتىپاقى قۇرۇلغانلىقىنىڭ 100 يىللىقىنى تەبرىكلەش يىغىنىدا قىلغان مۇھىم سۆزىنىڭ روھىنى ئۆگىنىش، ئىزچىللاشتۇرۇش سۆھبەت يىغىنى ئۆتكۈزۈلدى​

يېڭى دەۋردىكى كوممۇنىستىك ياشلار ئىتتىپاقى خىزمىتىنى پۇختا، ياخشى ئىشلەش كېرەك

ئانار بۇلۇت\شىنجاڭ گېزىتى مۇخبىرىلياڭ لىخۇاخەۋەر قىلىدۇ: 5 - ئاينىڭ 16 - كۈنى چۈشتىن بۇرۇن، ئاپتونوم رايوننىڭ باش شۇجى شى جىنپىڭنىڭ جۇڭگو كوممۇنىستىك ياشلار ئىتتىپاقى قۇرۇلغانلىقىنىڭ 100 يىللىقىنى تەبرىكلەش يىغىنىدا قىلغان مۇھىم سۆزىنىڭ روھىنى ئۆگىنىش، ئىزچىللاشتۇرۇش سۆھبەت يىغىنى ئاپتونوم رايونلۇق ئىتتىپاق مەكتىپىدە ئۆتكۈزۈلدى. ئاپتونوم رايونلۇق پارتىيە كومىتېتىنىڭ مۇئاۋىن شۇجىسى خې جۇڭيوۋ يىغىنغا قاتناشتى ھەم سۆز قىلدى.

يىغىندا مۇنداق كۆرسىتىلدى: باش شۇجى شى جىنپىڭنىڭ مۇھىم سۆزى يېڭى دەۋردىكى جۇڭگو ياشلار ھەرىكىتى ۋە ياشلار خىزمىتى ئۈچۈن ئالغا ئىلگىرىلەش يۆنىلىشىنى ئېنىق كۆرسىتىپ بەردى، تۈپ قوللانما بىلەن تەمىنلىدى. 5 - ئاينىڭ 11 - كۈنى، ئاپتونوم رايونلۇق پارتىيە كومىتېتى دائىمىي كومىتېتى كېڭەيتىلگەن يىغىن ئېچىپ يەتكۈزدى، ئۆگەندى، ئىزچىللاشتۇرۇش، ئەمەلىيلەشتۈرۈش توغرىسىدا تۆت جەھەتتە ئېنىق تەلەپنى ئوتتۇرىغا قويدى. «ئىككىنى تىكلەش»نىڭ ھەل قىلغۇچ ئەھمىيىتىنى چوڭقۇر ئۆزلەشتۈرۈپ، «تۆت ئاڭ»نى كۈچەيتىپ، «تۆت ئىشەنچ»نى چىڭىتىپ، «ئىككىنى قوغداش»نى ئىشقا ئاشۇرۇپ، باش شۇجى شى جىنپىڭنىڭ مۇھىم سۆزىنىڭ مول ئىچكى خاس مەزمۇنى ۋە ئەمەلىيەت تەلىپىنى چوڭقۇر ئۆزلەشتۈرۈپ، شىنجاڭنىڭ ئىسلاھات، تەرەققىيات، مۇقىملىقىغا تۈرتكە بولۇشتىكى تۈرلۈك خىزمەتلەردە تېخىمۇ زور نەتىجىلەرنى نامايان قىلىش كېرەك.

يىغىندا مۇنداق تەكىتلەندى: شىنجاڭ كوممۇنىستىك ياشلار ئىتتىپاقى سىياسىي خىسلىتىنى چىڭ ساقلاپ، پارتىيەنىڭ رەھبەرلىكىدە چىڭ تۇرۇشنى باشتىن - ئاخىر ئەڭ تۈپ سىياسىي تەلەپ قىلىپ، قەتئىي تەۋرەنمەي پارتىيەگە ئەگىشىپ ماڭىدىغان، پارتىيە ۋە خەلق ئۈچۈن كۈرەش قىلىدىغان ئەسلىي مەقسىتى، بۇرچىنى ئۈزلۈكسىز ئەمەلىيەتتىن ئۆتكۈزۈشى كېرەك. ئىدىيە بايرىقىنى ئېگىز كۆتۈرۈپ، سوتسىيالىزمنىڭ قۇرغۇچىلىرى ۋە ئىزباسارلىرىنى يېتىشتۈرۈشتىن ئىبارەت بۇ تۈپ ۋەزىپىنى پۇختا ئىگىلەپ، پۈتۈن ئاپتونوم رايوندىكى كەڭ ئىتتىپاق ئەزالىرى، ياشلارنى قەتئىي تەۋرەنمەي پارتىيەنىڭ گېپىنى ئاڭلاش، پارتىيەگە مىننەتدارلىق بىلدۈرۈش، پارتىيەگە ئەگىشىپ مېڭىشقا تەربىيەلىشى، يېتەكلىشى كېرەك. «دۆلەتنىڭ چوڭ ئىشى»نى قەلبىگە پۈكۈپ، مەركەزنى چۆرىدەش، ئومۇمىي ۋەزىيەتكە مۇلازىمەت قىلىشنى خىزمەت ئاساسىي لىنىيەسى قىلىشتا چىڭ تۇرۇپ، ئىتتىپاق خىزمىتىنىڭ پارتىيە ۋە خەلق ئىشلىرى ئومۇمىي ۋەزىيىتىدىكى تۆھپە قوشۇش دەرىجىسىنى ئۈزلۈكسىز ئۆستۈرۈشى كېرەك. ياشلار خىزمىتىگە يۈكسەك ئەھمىيەت بېرىپ، ھەقىقىي تۈردە پارتىيەنىڭ ياشلار بىلەن ئالاقە باغلىشىدىكى ياخشى كۆۋرۈك ۋە ۋاسىتە بولۇشى كېرەك. جاسارەت بىلەن ئىسلاھ قىلىپ، يېڭىلىق يارىتىپ، سىياسىيۋىلىكى، ئىلغارلىقى، ئاممىۋىلىقىنى ئۈزلۈكسىز ساقلاپ ۋە كۈچەيتىپ، كوممۇنىستىك ياشلار ئىتتىپاقى ئىسلاھاتىنىڭ چوڭقۇرلاپ تەرەققىي قىلىشىغا تۈرتكە بولۇشى كېرەك.

يىغىندا مۇنداق تەلەپ قىلىندى: كەڭ ئىتتىپاق ئەزالىرى، ياشلار كىشىلىك ھايات يۆنىلىشىنى مۇقىملاشتۇرۇپ، ئېتىقادى ئۇيۇل تاشتەك مۇستەھكەم، ئۇلۇغۋار غايە تىكلىگەن پالاقنى كۈچەپ ئۇرغۇچىلاردىن بولۇپ، ئاڭلىق ھالدا يېڭى دەۋردىكى پارتىيەنىڭ يېڭىلىق يارىتىش نەزەرىيەسى بىلەن كاللىنى قوراللاندۇرۇشى كېرەك. ئائىلە دۆلەت مۇھەببىتىنى يېتىلدۈرۈپ، سەمىمىي بولۇپ ۋەتەنگە جاۋاب قايتۇرىدىغان، قەتئىي سادىقلىق بىلەن دۆلەتنى قۇدرەت تاپقۇزىدىغان ئەمەلىيەتتىن ئۆتكۈزگۈچىلەردىن بولۇپ، ياشلىق باھارىنى ئۇرغۇتۇش، جەمئىيەتكە ئۆزىنى بېغىشلاش مۇساپىسىدە «پارتىيە خاتىرجەم بولۇڭ، دۆلەتنى قۇدرەت تاپقۇزۇشتا مەن بار» دېگەن جاراڭلىق قەسىمىنى ئەمەلىيەتتىن ئۆتكۈزۈشى كېرەك. كۈرەش قىلىش مەسئۇلىيىتىنى زىممىگە ئېلىشقا ۋارىسلىق قىلىپ، ئېغىر يۈكنى باتۇرلۇق بىلەن زىممىگە ئالالايدىغان، زور ۋەزىپىنى زىممىگە ئالالايدىغان جان تىكىپ ئېلىشقۇچىلاردىن بولۇپ، ئەمەلىي ھەرىكىتى ئارقىلىق كۈرەش قىلىش «ئاساسىي رەڭ»ىنى چاقنىتىشى كېرەك. قاتتىق سىناقلاردىن ئۆتەلەيدىغان قابىلىيەتنى يېتىلدۈرۈپ، تىرىشىپ ئۆگىنىدىغان، تەپەككۇر قىلىشقا ماھىر، ئەتراپلىق يېتىلگەن يېتەكلىگۈچىلەردىن بولۇپ، تىرىشىپ مىللەتنى گۈللەندۈرۈش مۇھىم ۋەزىپىسىنى زىممىگە ئالالايدىغان دەۋر يېڭى كىشىلىرىدىن بولۇپ ئۆسۈپ يېتىلىشى كېرەك. ئۆزىنى تەربىيەلەپ ئەخلاق يېتىلدۈرۈشتە چىڭ تۇرۇپ، ئەتراپلىق ئويلىنىپ پۇختا ھەرىكەتلىنىدىغان، ئەخلاقنى ئۇلۇغلاپ ياخشىلىققا ئىنتىلىدىغان قوغدىغۇچىلاردىن بولۇپ، پۈتۈن جەمئىيەتتە گۈزەل تۇرمۇش ئارزۇسىنى ئورتاق ئىشقا ئاشۇرىدىغان دەۋر يېڭى ئىستىلىنى ئەۋج ئالدۇرۇشى كېرەك.