1-ئاينىڭ 8-كۈنى، زىتۇڭ بازىرى تاڭجيا كەنتىدىكى پارتىيە ئەزالىرى، پىدائىيلار ۋە تېرىقچى ئائىلىلىرى غولپىياز ئېتىزىغا توپا يۆلەپ، غولپىياز يىلتىزىنى يېپىپ، ئىسسىقلىق ساقلاش رولىنى ئوينىدى
(ئۇچقۇچىسىز ئايروپىلاندا تارتىلغان)
شىنخۇا تورى خەۋىرى: يېقىندا، جېجياڭ ئۆلكىسى خاڭجوۋ شەھىرى چۈنئەن ناھىيەسى زىتۇڭ بازىرى ئۇدا تۆۋەن تېمپېراتۇرىلىق ھاۋارايىنى كۈتۈۋالدى، كۈندىلىك ئەڭ تۆۋەن تېمپېراتۇرا نۆلدىن تۆۋەن ئالتە سېلسىيە گىرادۇس ئەتراپىدا بولدى. زىتۇڭ بازىرىدىكى پارتىيە ئەزالىرى، پىدائىيلار، تېخنىك ئاساسىي قاتلامغا چۈشۈپ، ھەرقايسى كەنتلەردىكى تېرىقچىلىق بازىلىرىغا بېرىپ، تېرىقچى ئائىلىلىرىنىڭ پارنىكقا ئىسسىق ساقلاش يوپۇقىنى يېپىش، يىلتىز قىسمىنى توپا بىلەن كۆمۈش، ئېتىزلاردىكى يىغىلىپ قالغان سۇنى تازىلاش، كېسەللىك، ھاشارات زىيىنىنىڭ ئالدىنى ئېلىش قاتارلىق كۆپ تۈرلۈك خىزمەتلەرنى ئىشلىشىگە ياردەم بېرىپ، تېرىقچىلىق بازىلىرىنىڭ سوغۇققا قارشى تۇرۇش، توڭلاشتىن ساقلىنىش خىزمىتىنى ياخشى ئىشلەپ، يېزا ئىگىلىك ئىشلەپچىقىرىشىغا كاپالەتلىك قىلدى.
شىنخۇا ئاگېنتلىقى مۇخبىرى شۈ يۈ فوتوسى
