تىيانشان تورى خەۋىرى(مۇخبىرىمىز جاڭ دۇڭمېي خەۋىرى): لەگلەك ئۇچۇرۇش، بۆلجۈرگەن ئۈزۈش، ئۆرۈك چېچىكى تاماشا قىلىش، لوپنۇر بېلىقىدىن ھۇزۇرلىنىش... بۇ يىل 4-ئايدىن 6-ئاينىڭ ئاخىرىغىچە، بايىنغولىن موڭغۇل ئاپتونوم ئوبلاستى 62 تۈرلۈك مەدەنىيەت-ساياھەت پائالىيىتىنى يولغا قويۇپ، بايىنغولىن ئوبلاستىنىڭ ساياھەتچىلىكىنى «تېز خوتقا سالىدۇ».
ھەر يىلى 4-ئايداھاۋا ئىللىيدۇ، ئىللىق قۇياش نۇرى پارلاپ، باھار مەنزىرىسى ئۇرغۇپ تۇرغاندا، ئاق ئۆرۈك ماكانى دەپ نام ئالغان بۈگۈر ناھىيەسىدىكى 100 مىڭ مو ئۆرۈكبەس-بەستە چېچەكلەپ، خۇش پۇرىقىئەتراپقا تارىلىدۇ، ئۆرۈك چېچىكى ئارىسىدا ھەسەل ھەرىلىرى ئۇچۇپ، كېپىنەكلەر ئۇسسۇلغا چۈشىدۇ، مەيىن شامال ئۆرۈك شاخلىرىنى سىيپاپ ئۆتىدۇ، كېچە ئاسمىنىدا يۇلتۇزلار چاقنايدۇ، بۇ جاي كۆزنى يۇمۇپ ئاچقۇچە گۈل-چېچەكدېڭىزىغا ئايلىنىپ، نۇرغۇن ساياھەتچىنىجەلپ قىلىدۇ.
4-ئايدىكى پائالىيەتلەر ئىچىدە، خېجىڭ ناھىيەسىدە بۆلجۈرگەن بايرىمى ئۆتكۈزۈلىدىغان بولۇپ، ساياھەتچىلەر بالىلارنى ئېلىپ نەق مەيداندابۆلجۈرگەن ئۈزۈشنىڭ خۇشاللىقىنى ھېس قىلسا، ئون نەچچە خىل بۆلجۈرگەننى تېتىپ كۆرسە بولىدۇ؛ كورلا شەھىرىدە چىڭمىڭلىق شېئىر، ناخشا پائالىيىتى ئۆتكۈزۈلىدۇ، شېئىر ھەۋەسكارلىرى كىلاسسىك شېئىرلارنى ئوقۇش، دېكلاماتسىيە قىلىش، ناخشا ئېيتىش قاتارلىق شەكىللەر ئارقىلىق ۋەتەنگە مەدھىيە ئوقۇيدۇ؛ لوپنۇر ناھىيەسىدە لوپنۇرلۇقلار مىللىي ئۆرپ-ئادەت كاۋاپ بايرىمى ئۆتكۈزۈلىدۇ، ساياھەتچىلەر لوپنۇر بېلىقىنىڭ تەمىدىن ھۇزۇرلىنالايدۇ، «قۇملۇق كېچىسى» شادلىق مۇزىكا پائالىيىتىگەقاتنىشىپ،دالىدىكى خۇشاللىقنى ھېس قىلسا بولىدۇ؛ باغراش ناھىيەسى لەگلەك ئۇچۇرۇش بايرىمى ئۆتكۈزۈپ، پۈتۈن شىنجاڭدىكى لەگلەك ئۇچۇرۇش ھەۋەسكارلىرى ئۆزلىرىنىڭ ئالاھىدە ماھارەتلىرىنى كۆرسىتىدۇ؛ ساياھەتچىلەر يەنە چەرچەن ناھىيەسىدەئۆتكۈزۈلىدىغان ناخشا-ئۇسسۇل نومۇرلىرىنى كۆرۈپ، ئۆزگىچە يېمەكلىكلەرنى تېتىيالايدۇ.
5-ئايدا، غەربكە ساياھەت مەدەنىيەت بايرىمى، چىلان چېچىكى بايرىمى، مەملىكەتلىك تېز ئات چاپتۇرۇش بەيگىسىقاتارلىق 23 تۈرلۈك پائالىيەت ئارقا-ئارقىدىن ئۆتكۈزۈلىدۇ.
دۈەنۋۇ بايرىمىدا، خوشۇت ناھىيەسى 14-نۆۋەتلىك دۈەنۋۇ ئەجدىھا قولۋاق مۇسابىقىسى ئۆتكۈزىدۇ.
يېقىنقى يىللاردىن بۇيان، بايىنغولىن ئوبلاستى «پۈتۈن رايون تەرەققىياتى، پۈتۈن كۆرۈنۈش پەيدا قىلىش، پۈتۈن پەسىلنى ئېچىش، پۈتۈن كەسىپنى بىرلەشتۈرۈش، پۈتۈن خەلق ئورتاق بەھىرلىنىش، ھەممىنى بىر تۇتاش پىلانلاش» ئومومىي تەلىپىگە ئاساسەن، ئاپتونوم رايون ۋە مەملىكەتنىڭ ساياھەت تەرەققىيات ئومۇمىيىتىگە تەشەببۇسكارلىق بىلەن يۇغۇرۇلۇپ، ساياھەتچىلىك بىلەن باغلىنىشلىق كەسپلەرنىڭ چوڭقۇر يۇغۇرۇلۇشىنى زور كۈچ بىلەن ئىلگىرى سۈرۈپ، ساياھەتچىلىكنىڭ يېڭى كەسىپ ھالىتىنى پائال يېتىلدۈرۈپ، ساياھەتچىلىكنىڭ ئومۇميۈزلۈك تەرەققىياتىنى ئىلگىرى سۈردى. (سۈرەتنى بايىنغولىن ئوبلاستلىق مەدەنىيەت، تەنتەربىيە، رادىيو، تېلېۋىزىيە ۋە ساياھەت ئىدارىسى تەمىنلىگەن)
