11-ئاينىڭ 15-كۈنى، ئالتاي شەھىرى جياڭجۈن تېغى قار تېيىلىش مەيدانى تىجارەت باشلىدى، بۇ ئالتاي يېشۆ باغچىسى 10-ئاينىڭ 20-كۈنى تۇنجى قار تېيىلىشنى باشلىغاندىن كېيىنكى، بۇ يىل قىشتا شىنجاڭ بويىچە ئىككىنچى تىجارەت باشلىغان قار تېيىلىش مەيدانى ھېسابلىنىدۇ. چۈشتىن بۇرۇن سائەت 12دە، يۈزدىن ئارتۇق شىنجاڭ ئىچى ۋە سىرتىدىن كەلگەن قار تېيىلىش ھەۋەسكارى ئاپئاق قار يولىدىن تېيىلىپ چۈشۈپ قار تېيىلىش خۇشاللىقىنى ھېس قىلدى. ئۇلار ھەر خىل كىيىم-كېچەكلەرنى كىيىپ، ئاپئاق قار يولىنى رەڭگارەڭ تۈسكە كىرگۈزدى.
ئالتاي شەھىرى جياڭجۈن تېغى قار تېيىلىش مەيدانىنىڭ مۇئاۋىن باش دىرېكتورى لياڭ جىڭ مۇنداق دېدى: جياڭجۈن تېغى قار تېيىلىش مەيدانى مەملىكەت بويىچە بىردىنبىر شەھەر بىلەن تۇتىشىپ تۇرىدىغان ئېگىز تاغ قار تېيىلىش مەيدانى بولۇپ، تاغلىق رايوندىكى ئالتاي يېشۆ باغچىسى قار تېيىلىش مەيدانىغا نىسبەتەن ئېيتقاندا، شەھەر رايونىنىڭ تېمپېراتۇرىسى يۇقىرى بولغاچقا كېيىنرەك ئېچىلدى.
يېقىنقى بىر نەچچە كۈندىن بۇيان تېمپۇراتۇرا 17 سېلسىيە گىرادۇسقا چۈشۈپ، جياڭجۈن تېغى قار تېيىلىش مەيدانى ئەڭ ياخشى قار ھاسىل قىلىش پۇرسىتىگە ئېرىشتى. بۇ يىل جياڭجۈن تېغى قار تېيىلىش مەيدانىنىڭ قار ياساش سىستېمىسى يېڭىلاندى، نەچچە ئون قار ياساش ماشىنىسى بىرلا ۋاقىتتا مەشغۇلات قىلدى، قار ياساش ۋاقتى ئۆتكەن ئىككى ئايدىن 15 كۈنگە قىسقاردى، ئىككى كۈن ئىچىدە قارنىڭ تولۇق قاپلىنىشى ئىشقا ئاشۇرۇلۇپ، قار تېيىلىش پەسلىگە تولۇق تەييارلىق قىلىندى.
«مەن ئۇدا ئۈچ يىل باشلىنىش مۇراسىمىغاقاتنىشىپ كەلدىم، قارغا تېيىلىش پەسلىنىڭ يېتىپ كېلىشىنى كۈتىمەن. بۈگۈن مەن قار تېيىلىش مەيدانىدا <سۈرئەت ۋە قايناق ھېسسىيات>تىن قانغۇچەھۇزۇرلىنىمەن» دېدى خۇنەندىن كەلگەن قار تېيىلىش ھەۋەسكارى يۈەن جۈن.
ئىگىلىنىشىچە، 2019 – يىلى، جياڭجۈن تېغى قار تېيىلىش مەيدانىنىڭ دەرىجىسى ئۆستۈرۈلۈپ، كېڭەيتىپ قۇرۇلغاندىن كېيىنكى جياڭجۈن تېغى قار تېيىلىش مەيدانى ئېگىز تاغدا قار تېيىلىش، پەشتاقتىن سەكرەپ قار تېيىلىش، دالىدا قار تېيىلىش، قىشلىق ئىككى تۈر، قار ئۈستى ماھارىتى ۋە ئايلانما، ئەركىن قار تېيىلىش، يەككە تاختىدا قار تېيىلىش قاتارلىق خەلقئارا، دۆلەت ئىچىدىكى كۆپ قىسىم قار تېيىلىش تۈرلىرى مەشىقى ۋە مۇسابىقە ئىقتىدارىنى ھازىرلىغان. قار تېيىلىش مەيدانىنىڭ دەرىجىسىنى ئۆستۈرۈش، ئۆزگەرتىش قۇرۇلۇشى پۈتكەندىن كېيىن، رايون بويىچە پىلانلانغان قار تېيىلىش كۆلىمى تەخمىنەن 1 مىليون كۋادرات مېتىرغا يەتكەن بولۇپ، يېڭىدىن 24 قار تېيىلىش يولى كۆپەيتىلىپ، تەخمىنەن 20 كىلومېتىر ئۇزۇنلۇقتىكى يول ياسالغان، ئومۇمىي قار تېيىلىش يولى 51گە، ئۇزۇنلۇقى 41 كىلومېتىرغا يەتكەن.
ئۆزگەرتىلگەندىن كېيىن، جياڭجۈن تېغى تەنھەرىكەتچىلەر مەشىق ئېلىپ باردىغان ھەم ساياھەتچىلەر قار تېيىلىدىغان ئۇنىۋېرسال ئارامگاھ بولۇپ قالىدۇ. 2019-يىلى، جياڭجۈن تېغى قار تېيىلىش مەيدانى يەنە قار تېيىلىش كىچىك بازىرى قۇرۇلۇشىنى باشلاپ، قار تېيىلىش مۇلازىمەت زالىنى كېڭەيتىپ، قار تېيىلىش ياتاق بىناسى، پۇقراۋى تۇرالغۇ، ئائىلە مېھمانخانىسى، قەھۋەخانا، قاۋاقخانا، ئارشاڭ مېھمانسارىيى قاتارلىق مۇلازىمەت ئەسلىھەلىرىنى قۇرماقچى. (سۈرەتلەرنى قار تېيىلىش مەيدانى تەمىنلىگەن)
